Van God: 'n boodskap van Geloof

'n Boek resensie

Skrywers: Retha an Aldo McPherson
ISBN: 978-0-620-43581-9

"Luister asb wat Jesus sê, Hy sê jy moet jou lewe hier op aarde los. Hy sê Hy wil jou alles wees".

Aldo en sy familie veg nou al die afgelope 6 jaar teen die effekte van 'n ongeluk wat hulle vleeslike wêreld geruk het.  Gedeeltelike verlamming en epilepsie is van die effekte waarteen hul steeds veg.  Tog het hierdie ongeluk hul gebring op 'n pad van ongekende hemelse intimiteit met God in die geestelike dimensie.  Aldo, as 'n kragtige profeet, wandel met Jesus en verkondig die opdrag aan die bruid om gereed te wees.  Tussen die epileptiese aanvalle hou die wandeling in die gees nie net vir hom staande nie, maar ook vir Retha, sy kosbare ma.

Die profesieë, briewe en gesprekke word deur Aldo neergepen in 'n kinderlike handskrif.  Hierdie boodskappe wissel van persoonlike vertroostings, tot aspekte wat van internasionale belang is.  Dit weerspieël 'n opregte verhouding met God.  Hierdie boek roep tot geloof, en hierdie kosbare gesin toon die resultate van volgehoue vertroue in God.  Soos Retha herhalend verklaar: "Geloof is dit, om te weet dat ek weet dat ek weet dat God is wie Hy sê Hy is". 

Hierdie boek laat jou honger na 'n persoonlike verhouding met Jesus.  Die ryk interaktiewe en kragtige geestelike aspek was 'n aangename ervaring.

8/10

Kry 'n Boodskap van Geloof van Retha Mc Pherson Ministries.